Диктанттар жинағы 1-4 сыныптарға

Қазақстан Республикасының «Білім туралы» Заңында оқыту формасын,
әдістерін, технологияларын таңдауда көп нұсқалық қағидасы бекітілген, бұл
білім мекемелерінің мұғалімдеріне, педогогтарына өзіне оңтайлы нұсқаны
қолдануына, педагогикалық процесті кез келген үлгімен құруға мүмкіндік
береді.
Қазіргі кездегі оқытудың тиімділігін арттыру мақсатында жаңа білім
парадигмасына сүйене отырып жасалған диктанттар жинағы бастауыш сынып
мұғалімдері мен оқушыларына көмекші құрал ретінде ұсынылып отыр.
Бұл жинақта мұғалімдерге күнделікті практикалық жұмыстарына қажет
деген материалдар жинақталған.Оларды оқушылардың тілін ұстартып, ой-
өрісін кеңейтіп, білімдерін тереңдетуге, өтілген ережелерді қаншалықты
меңгергендіктерін анықтап, сауатты жазуға одан әрі жаттықтыра түсу үшін
пайдаланылады.
Бұл диктанттар жинағына 1-4 сыныптарда өтілетін ана тілі және қазақ тілі
сабақтарымен қатар тіл дамытуға арналған материалдар жинақталған.
Мұндағы текстер әрбір сыныптың бағдарламалық талаптарына сай,
оқушылардың жас ерекшеліктері мен ой-өрістері ескеріле отырып
құрастырылған. Алынған текстердің білімділік, тәрбиелік мәндерінің жоғары
болуы мен пәнаралық байланыс жағы да қарастырылған. Сабақ материалына
лайықталған, оқушының орындай алатын іс-әрекетімен шектелу жеткіліксіз.
Оқушыларды ізденуге, ойлануға, шығармашылығын дамытуына арналған
мұғалімдерге көмекші құрал.
Тұмау
Тұмау – жұқпалы аурудың бірі. Оның қоздырғыштары вирустар болып
табылады. Вирустар арнайы құралмен ғана көрінеді. Ол жөтелгенде,
түшкіргенде ауа тамшылары арқылы таралады.
Тұмаудың белгілері: дене қызуының жоғарылауы, бас ауыру, түшкіру,
мұрыннан су ағу. Бұл жағдайда дәрігерге қаралу керек. (37 сөз)
«Денсаулық» журналынан
Күз
Күз келді. Күн қысқарып, түн ұзарды. Күн сирек көрініп, аз
жылытады. Кей күндері таңертең күн салқын болады. Жұрт күземін алып,
киізін де басып алған. Құстар жылы жаққа ұша бастады. Қарлығаштар
көптен көрінбейді. Егіншілер астығын жинап болған. (36 сөз)
М. Дулатов
Зерлі шапан
Зерлі шапан – сырт киім. Ол қымбат матадан тігіледі. Оның жағасы
мен өңіріне зер салынады. Арқасы, етегі мен жеңі оқалы жіппен
өрнектеледі. Өн бойына оюлар салынады. Ертеректе мұндай шапанды хан
мен сұлтандар, ауқатты адамдар киетін болған. (35 сөз)
«Қазақ халқының дәстүрлі өнері» кітабынан
Жетіген
Жетіген – жеті ішекті шертпелі музыка аспабы. Аспап ағаштан
құрастырылып жасалады. Құрылысы өте қарапайым. Жетіген жүздеген
жылдар өтсе де, баяғы күйінде. Жетілдірілген түрінде он үш ішек
байланған. Арнайы тиектер қойылған. Аспаптың үні құлаққа жағымды. (33
сөз)
«Ұлттық аспаптар» кітабынан
1.Мәтіннен сан есімдерді тапқызып, астын сызғызу.
Шоқан
Шоқан – қазақ халқының шоқ жұлдызы. Ол – суретші, өнер зерттеуші,
тарихшы, саяхатшы.
Суретші Шоқан таңбалы тастар мен тас мүсіндерге көңіл бөлген.
Шоқанның еңбектері қазақ халқының алтын қазынасы болып табылады.
Олар ғасырлар бойы жасай бермек. (34 сөз)
С. Мұхтарұлы
1.Туынды сөздерді тапқызып, сөздік құрамына талдыту.